Renobasyon ng SNHS Canteen, Sinimulan
Meralyn P. Sadion

Sinimulan nang ayusin ang dating School Canteen ng SNHS noong buwan ng Hulyo taong kasalukuyan sa pamumuno ni Bb. Maria Marly S. Magistrado (Physical Facilities Coordinator) sa tulong ng ilang opisyales sa Mataas na Paaralan ng Sagrada.

Ang pagpapa-saayos ng bagong kantina ay mula sa SBRMS (School-Based Repair and Maintenance Scheme) PT 2009, na kung saan nakatanggap ang ating paaralan ng P100,000.00 mula sa tanggapan ng divisyon ng lungsod ng Iriga.
Ayon kay Bb. Magistrado, “mahalaga ang pagkakaroon ng bagong kantina dahil ito ay makatatawag pansin doon sa mga kakain at maiiwasan din ang pagkakaroon ng nakawan” dagdag pa niya.

Bagaman wala pang petsa kung kailan ito muling ipagpapatuloy, inaasahang matatapos agad ito ngayong taon.